هذه الحلقة سوف نقدمها لكم بإسلوب جديد سنجعلكم تعيشوا معنا لحظات تسجيل هذه الحلقات ستختبروا ما نشعر به أثناء التسجيل. إليكم سيناريو الحلقة
صديقي: هل طرحك اليأس يوماً جريحاً؟ هل شعرت يوماً أنك عاجز لا تقوى على فعل أي شئ صالح؟ هل شعرت يوماً أن لديك رغبة قوية أن تبتعد عن الشر لكنك عاجز؟ هل همست يوماً إلى نفسك قائلاً: "الله بعيد لا يشعر بمن هم مثلي"؟ لدينا اليوم بشرى سارة وطريق جديد تستطيع أن تعرف فيه الله الذي هو عنا ليس ببعيد.
جمال : انا نازل اصلى يا وائل
وائل : يا سلام يا جمال واتا بشوفك رايح تصلى.. آه
جمال : طب ما تيجى تصلى معانا اهى فرصة لسه ميعاد الصلاة معداش خلى ربنا يرضى عنك
وائل : لا يا عم الصلاة دى ليها ناسها الناس اللى ربنا بيرضى عليها لكن اللى زينا خلاص حياتهم اتمرغت في ذنبها
جمال : انت كمان يا اخى لازم تحاول مرة كمان الله تواب رحيم
وائل : ما انا على يدك حاولت ميت مرة وكل مرة ترجع ريمة لعادتها القديمة ناولنى الكبريت اللى جنبك ده خلينى اولع السيجارة
جمال : سجائر.. استغفر الله العظيم انا نازل اصلى
وائل : مع السلامة ..ياريتنى ابقى زيك (قرص التليفون) ايوه يا حاتم ايه الاخبار ..خلاص انا فى الطريق جهز المزة وانا جاى ( موسيقى )
( جرس تليفون )
ماهر : (بنعس) ايوه انا ماهر رياض مين معايا .. ايه مستشفى الامل .. وائل صبرى .. طيب انا جاى حالاً..
(ضرب تليفون) الو ايوه يا رافت.. الحقنى وائل صبرى راح المستشفى ( موسيفى )
جمال : يا فاسق لعنك الله ولعن امثالك.. اعمالك دى اللى هتوديك في جهنم باذن الله
ماهر : ارجوك اهدا شوية احنا هنحاول
جمال : انا مش ههدا.. دا ميعدش في بيتى لحظه واحده.. ومن النهاردة لا انت اخويا ولا انا اعرفك.. السلام عليكم
رافت : وعليكم السلام.. حمد الله على سلامتك يا وائل
وائل : الله يسلمكم
ماهر : خير يا وائل ايه اللى حصل
وائل : سهرة
ماهر : من اياها برضه
وائل : ايوه كننت فى عيد ميلاد حاتم صاحبى ( موسيقى )
(صوت حفلة عيد الميلاد في الخلفيه)
حاتم : أهلا أهلا ازيك يا وائل
وائل : كل سنة وانت طيب يا حاتم
جيهان : كل سنة وانت طيب يا حاتم اتفضل دى هدية بسيطة مننا.
حاتم : مرسى قوى وكل سنه وانتم طيبين... تعالوا نطفى الشمع
وائل و جيهان: يلا بينا (صوت الموسيقى والاحتفال)
وائل : متيجى نرقص يا جيهان مش انت برضك بتعرفى ترقصى ولا ايه
جيهان : طبعا بعرف يلا بينا (موسيقى الديسكوا)
وائل : ياه مكنتش اعرف انك بترقصى حلو اوى كده (موسيقى في الخلفيه)
جيهان : كفايه رقص كده انا تعبت اوى تعالى نريح شويه
وائل : طب تعالى نشرب حاجه
حاتم : تاخدى ويسكى يا جيهان
جيهان : ماشى بس مش كتير علشان ما اتعودتش عالشرب
وائل : انا بقى عايز كونياك
هناء : كونياك ايه ياعم انت تقدر تشرب بيره حتى
طارق : لا ميغركش منظره ده يقدر يخلص ازازه كامل مش كده يا وائل
وائل : طبعا طبعا يلا هاتوا الازازه ..(صوته يشرب)
طارق : مش قلتلك هيقدر يخلصها ده واد ضؤروم
هناء : اما انت طلعت واد دايس صحيح
(صوت موسيقى مع ضحكات عالية)
حاتم : ايه انت دماغك بدأت تون ولا ايه يا وائل
وائل : فشر انا لو شربت بحر من الخمرة لا يمكن اسكر.. صب كاس تانى
حاتم : ما كفاية دا انت مقربع قزازة ونص لحد دلوقتى
وائل : بقولك صب انا ميهمنيش انا عاوز اظبط دماغى
هناء : طب بقولك ايه.. مفيش غير السيجارة دى اللى تظبط دماغك.. دى دى فيها حته حشيش ايه عجب
وائل : لسه شارب واحدة وبرضه مبسطتنيش
حاتم : يبقى مفيش غير شوية البودرة دول تشمهم وتيطر من الفرح وكله يبقى تمام التمام
وائل : ايوه بس انا كده ممكن ابقى مدمن
هناء : مدمن ايه فال الله ولا فالك دا كلام جرايد حد يصدق كلام الجرايد.. وبعدين دى ببلاش انت خسران ايه.. شم شم بس بمزاج (موسيقى)
وائل : بس ومدرتش بنفسى غير وانا هنا .. الظاهر انى حصلى هبوط واصحابى جابونى هنا
ماهر : طب انت مبسوط يا وائل بالحياه دى
وائل : ولا لحظه في عمرى كله حسيت بالانبساط
ماهر : ومع ذلك لسه مستمر تمشى في سكتك
رافت : طب لحد امتى يا وائل هتفضل كده.. مفكرتش لو لقدر الله بعد الشر يعنى.. لو مت هتروح فين.. هتقف قدام ربنا وتقوله ايه
وائل : ربنا نفسه هو اللى هيقولى ايه...؟؟
ماهر : يعنى ايه يا وائل الكلام دا
وائل : يعنى انى حاولت وحاولت وحاولت الف مره انى ابعد عن كل المحرمات
انى توب وابطل خمره واعرف ربنا لكن طريق ربنا صعب قوى.. قررت ميت مره انى مش هقرب من ازازة الوسكى ابدا لكن في كل مره امنع نفسى مره اتنين تلاته لكن في رابع مره الاقى نفسى برجع و بشرب اكتر من الاول... الطريق دا صعب قوى قوى يا جماعه.. ويظهر ان ربنا ما بيسمعش للى زى حلاتى
رافت : تعرف ياوائل انتى ليه يائسه ومش قادره تمشى فى طريق ربنا.. وشايفه انه صعب ومتهيئلك ان ربنا مبيسمعلكش تعرف ليه
وائل : ليه
رافت : لانك كنت بتحاول تغير نفسك بنفسك.. كنت بتحاول تهذب اخلائك ..كنت بتحاول تعمل زى ناس كتير قوايم للحلال وتانيه للحرام.. وتحاول تجبر نفسك عليها ومتهيئلك ان هو دا الحل ..لكن فعليا مش هو دا الحل
ماهر : بالظبط كده لان المشكله الحقيقيه هى اننا مش قادرين ننفذ الصح ولا قادرين نبطل غلط ..مش قادرين نغير نفسنا بنفسنا.. وهو دا اللى حاولتى تعمليه ولانك مقدرتش اتمليتى بالياس والفشل
(موسيقى)
وائل : امال ايه.. ايه اللى المفروض اعمله
رافت : انك تيجى للمسيح تجيله بكل ذنوبك ومعاصيك زى مانت بوحشتك وذنوبك ومعاصيك واخلائك والمحرمات اللى انت مش قادر تبطلها زى ما انت وهو هيغيرك وهيشكلك هيبدل احوالك لانه هيصنع فيك خليقه جديده زى ما الانجيل بيقول : " انا فى المسيح خليقه جديده "
ماهر : فعلا سيدنا المسيح عليه السلام بيعمل معجزه فينا احنا وهى انه بيغيرنا بيحط فينا خليقه جديده ..يصنع في انسان تانى انسان يعرف يتخلى عن اى امور مش بترضى ربنا..
رافت : كلامك يا ماهر فكرنى بمتى العشار.. مره من المرات السيد المسيح شاف واحد كان بيشتغل عشار
وائل : عشار
رافت : عشار دى مهنة كانت سمعتها وحشه جدا لان الناس اللى كانوا بيشتغلوا فيها فعلا كانوا دايما يظلموا الناس ويسرقوهم وينصبوا عليهم باحتيال ومكر... كانت ذنوبهم كتير وعيوبهم اكتر واكتر كل الناس بتكرههم بسبب ظلمهم وذنوبهم ..وفمره جه سيدنا المسيح لواحد منهم اسمه متى العشار..ووقف المسيح قدامه كده لمدة لحظات وقاله كلمه واحده بس
قاله اتبعنى.. امشى ورايا.. فراح قام متى وساب كل حاجه ومشى ورا المسيح.. ومفكشر متى انه يتغير الاول لكنه جه وراه بكل حاجه عنده وكل عيوب فيه ومن سعتها كل حياته اتغيرت كل اخلاقه اختلفت وكل عمره اتجدد من تانى
وائل : يعنى يا جماعه فعلا ينفع الله تعالى يقبلنى ويساعدنى ..رغم ذنوبى الكبير والكتيره دى
ماهر : طبعا ينفع ..بس على اساس شخص سيدنا المسيح.. مينفعش من غير المسيح
وائل : انا اول مره اسمع كلام زى ده ..كلام مريح.. حاسس ان في شخص هيساعدنى مش باعمال ومش هغير نفسى بنفسى ..انا محتاج المسيح فعلا (موسيقى)
هانى : عزيزى المستمع..هل جربت.. انك تبطل تمشى.. فى اى طريق بيغضب ربنا.. لكنك فشلت ..هل انت ياس ..من طريق الله تعالى ..هل شايف.. انه طريق صعب ..هل حاولت.. تجبر نفسك.. على الحلال والصح ..وتمتنع.. عن الغلط والحرام ..هل حاولت تغير نفسك بنفسك ..تهذب من اخلاقك..
عبير : عايزين نقولك.. مش هتقدر..لانك محتاج لخليقه جديده .طبيعه جديده جواك .انت محتاج
طباعك.. تتغير ..وده اللى مش ممكن.. تقدر تعمله بنفسك ..انت محتاج.. لسيدنا المسيح عليه السلام المسيح يقدر.. يغير طباعك ..يغير حياتك ..يقدر يخليك انسان تانى ..انسان.. مولود من جديد ..وشرطه الوحيد.. انك تتبعه وتمشى وراه.. من كل قلبك ..فهل تيجى للمسيح دلوقتى .. خد قرار
"يارب آتي إليك بكل ذنوبي وأثامي.. أنا عارف إنس غرقان في الذنوب.. لكني أقبل الآن عمل المسيح علشاني.. أقبل صليبه... إنه مات ثمناً لذنوبي وأثامي... خلصني يارب.. إدخل في حياتي يا يسوع.. غير حياتي.. أنا بقبلك مخلص شخصي في حياتي.. بجيلك بكل عيوبي غيرني.. ساعدني... في اسم المسيح آمين"
سؤال حلقتنا انهارده هو:-
هل يستطيع الإنسان أن يغير نفسه بنفسه؟
