- أطفالنا من بداية عمرهم وهم فى سن صغير محاطين برسائل خاطئة ومغلوطة عن الحياة الجنسية من خلال الميديا ( كومبيوتر - ستالايت – موبيل – كتب – مجلات ) تبادل الأحاديث والحوارعن الجنس مع أصدقاء السوء فى المدرسة والنادى وربما الكنيسة .
والنتيجة ؟ ؟ !!
إنزلاق فى علاقات جنسية فى مرحلة المراهقة يؤدى ربما إلى حمل ← إجهاض ←أمراض جنسية ( مثل الأيدز) ← طلاق وحياة محطمة.
- الله يريد أن الأباء المسيحيين يكونوا هم أول المعلمين لأبنائهم عن الجنس. وإذا كنا نريد أن يكون لنا تأثير قوى على أبنائنا لابد أن نبدأ فى سن مبكرة معهم لنضع الأساسات الألهية لفهم الجنس قبل أن تأتى الأفكار المغلوطة من العالم. لأن الرسالة الأولى هى أقوى رسالة. وتأثيرها ممتد ودائم.. لذا لاننتظر حتى يسمع الأبناء رسائل خاطئة ونحاول نحن أن نصححها.
- الله هو الذى صنع الجنس كهبة وعطية جميلة وصالحة. إذا لماذا لا نقدمه لأولادنا بالطريقة التى قصدها الله.
المرحلة الأولى : - من سن 3 – 5 سنوات.
أهداف هذه المرحلة : -
1 – أن نضع أساس روحى للطفل ليفهم عن جنسه .أمر حيوى جداً أن ينظر الأطفال لأجسادهم ولجنسهم( أنوثتهن أو رجولتهم ) أنها عطية رائعة وعظيمة من الله.
2 – لابد أن يدركوا أن الله قد خلق جسدهم لغرض عظيم وأن الله يحب جسم الأنسان ويحب الأنسان كله وأن الله أعتبر خليقته ( رأى ) أن خلقته لجسم الأنسان حسنة جداً ( تك 31:1 )
وأن يدرك الطفل أن الله يحب الرجل والمرأة وكلاهما مخلوقين على صورته.
3 – أن يتكون عند الطفل تقدير لعطية الله العظيمة من خلال فهمه لبعض الأساسيات عن تكاثر الأنسان وعن الطفل داخل رحم أمه وعملية الولادة.
4 – أمر هام جداً أن ينمو داخل الطفل ثقة فى قوانين الله ويرى الله أنه المشرع والواضع للقوانيين لحياة البشر الذين يحبهم. ومن المهم جدا أن يرى الطفل أن العائلة هى الأطار الألهى للحب والسلام.
كيف نشرح لأطفالنا عن الجنس فى المرحلة من 3 – 5 سنوات
التحاور مع الطفل من أكثر الطرق الفعالة فى توصيل الحقائق إما من خلال الأجابة على أسئلته أو طرح أسئلة والأجابة عليها مثل : -
س : من أين أتيت ؟
ج : منذ زمان طويل كان الله يعرف كل شىء عنا وعن أبائنا وأمهاتناوكمان عن بابا وماما وعن أخوك و أختك وسبب مهم جداً الله أوجدنا معاً أنا وبابا هو إننا نحب بعض وكمان يكون عندنا أطفال حلويين زيك علشان نحبهم.
س : هل علشان كدة أنا أتولدت؟
ج : أكيد وكمان فيه أسباب تانية منها الله عايزك تحبه من كل قلبك وهو عنده شغل ليك هو عايزك تعمله ممكن لما تكبر تبقى أب زى بابا وتعرف الناس عن ربنا لكن لما تطيع قوانيين الله وتعيش زى يسوع الناس هاتعرف يسوع.
س : لكن إزاى أنا جيت – أنت وبابا بتحبوا بعض وبعدين ؟
ج : صح فى الأول أنا وماما حبينا بعض وتزوجنا – وربنا عايز بس الناس المتزوجين هم اللى يكون عندهم أطفال. ليــــــــــــــــــــه؟ لأن الأهتمام بالطفل ده شغل صعب أوى . بس بابا وماما يقدروا يعطوا أطفالهم حب كثير وأهتمام كثير. هما الأثنين عندهم نوع خاص من الحب.
س : هل أنا كنت فى بطن ماما أول ما أنتوا إتجوزتوا؟
ج : لأ – الله إنتظر شوية وبعد كدة أخذ حاجة صغيرة أوى من جسم بابا وحاجة صغيرة أوى من جسم ماما وعملك أنتعلشان كدة أنت بتشبهنى شوية وتشبه ماما شوية – لكن أنت كنت صغير خالص خالص وما تقدرش تعيش زى دلوقت فى العالم علشان كدة ربنا حطك فى بطن ماما فى الرحم بتاعها ده مكان خاص. الله وضعك فيه علشان يحافظ عليك لغاية ما تكبر وتقدر تأكل وتلعب وده بيأخذ حوالى 9 شهور.
س : إزاى أنا ممكن أتنفس أو أكل وأنا جوه بطن ماما ؟
ج : الله أهتم بكده وخلق لكل بيبى حبل سرى عن طريقه البيبى يقدر يأكل ويتنفس ويشرب من مامته . الأكل والماء والهواء بيكونوا صغيرين أوى وبيمروا من الدم بتاع ماما للدم بتاع البيبى وبكده البيبى يأخذ كل اللى هو محتاجه.
س : علشان كده أنا عندى سرة فى بطنى؟
ج : أيوة – ده مكان الحبل السرى علشان كده وأنت بتكبر من حجم صغير قد حبة الرمل الى بيبى كبير أنت كنت بتتغذى وتتنفس عن طريق السرة.
س : وبطن ماما فضلت تكبر كمان مع أخويا أو أختى زى ما كبرت معايا ؟
ج : أيوه ولما جاء الوقت أنت خرجت من فتحة المهبل – العضلات أتشدت جامد والله جعل المهبل ممكن يوسع أوى علشان إنت تعدى منه ودى طبعاً معجزة !!!
س : هل أخويا أو أختى جاءت بنفس الطريقة ؟
ج : لأ – سارة كان وضعها فى بطن ماما مش مضبوط فأضطر الدكتور أنه يفتح بطن ماما علشان تخرج سارة بأمان.
س : بس أنا عندى حاجة مش موجودة عند أختى – هل ده بيخلينى أكون ولد زى بابا ؟
ج : صح – إنت عندك القضيب وربنا خلقك بطريقة خاصة وخلق البنات كمان بطريقة خاصة - هو أعطى أختك المهبل والرحم وده علشان فى المستقبل تكون ماما والولاد يكونوا بابا ودى حاجة خاصة جداً بالنسبة لله.
س : طب ليه ربنا خلق الأولاد والبنات ؟
ج : علشان يحبوه ويحبوا بعض – الكتاب المقدس بيعلمنا إن كل عائلة مليانة بالحب هى صورة لمحبة الله – فإحنا بنظهر لك محبتنا بالأحضان وبالقبلات وكمان نهتم بيك وإنت بتورينا محبتك لينا لما بتسمع كلامنا زى ما أنا وبابا بنحاول نطيع ربنا ونسمع كلامه لأننا بنحبه.
س : هل كل الأحضان والقبلات صح ؟
ج : لأ مش كلها – لو أنت مش عايز تعمل كده مع أى شخص ماتعملش - لأن ربنا كونك وعملك بطريقة خاصة وعمل جسدك بطريقة خاصة – إحنا دلوقت ممكن نساعدك وأنت بتاخذ حمام لكن لما تكبر مفيش حد هايشوفك خالص إلا مراتك لما تتزوج بس هى اللى ممكن تشوف جسمك مش حد تانى .
س : هل ده هايحصل لما أكبر وأبقى بابا ؟
ج : أيـــــــــــــــــــــــــــــــــــــــــــــــــــــــــــــــــــــــــــــــوه
س : هل مراتى هاتعطى لبن للبيبى زيك كده من صدرها ؟
ج : أيوه - لأن جسم الأم بيأخذ الأكل اللى بتأكله ويعمل جزء منه لبن للبيبى اللى هو بيخرج من الثدى وده أحسن غذاء للبيبى. جسم المرأة مزهل وكمان جسم الرجل كل منهما مخلوق بطريقة مختلفة
كيف نشرح لأطفالنا عن الجنس فى المرحلة من 5 - 8 سنوات
حقائق جديدة تبنى على الحقائق الأولى :-
يشرح فى هذه المرحلة النمو والتغيير الذى يطرأ على جسم الولد ليصبح رجلاً وعلى جسم البنت لتصبح فتاة.
أيضاً يشرح بطريقة مبسطة عن طبيعة العلاقة الجنسية بين الزوج والزوجة محاطة هذه المعلومات بأساس من الأخلاقيات المسيحية ( القوانين المسيحية ) وهى :
أن الله يريد أن العلاقة الجنسية تكون فقط فى الزواج بين الزوج والزوجة بين رجل واحد وإمرأة واحدة ناضجين لأن هذا يكرم الله ويساعد على بناء عائلات قوية . وهذا أساس هام جداً جداً لحياة الطفل.
قد نسأل : هل طفلى فعلاً محتاج أن يعرف عن العلاقة الجنسية فى سن مبكرة ؟!
والأجابة : نعــــــــــــــــــــــــــــــــــــــــــــــــــــــــــــم ولمــــــــــــــــــــــــــــــــــــــــــــــاذا ؟
1 – لا يوجد منطق معقول يجعلنا نترك أطفالنا جاهلين عن منطقة حيوية فى حياتهم – ولنتذكر أن شعب الله ( العبرانيين ) الذينأعلن الله لهم إرادته وفكره كانوا فلاحين ( مزارعين ) – وكانت بيئتهم لا يوجد فيها أى نوع من الخصوصية مقارنة بما نعيشه الأن فكانت البيوت صغيرة و بلا شبابيك وأبواب لكل غرفة وحوالى 3 أجيال أو أكثر عادة تعيش معاً – مجتمع بدائى يعيش بالفطرة وهؤلاء أعلن لهم الله فكره عن الجنس – لذا لا نترك أولادنا فى ظلمة الجهل.
2 - الرسالة الأولى الأيجابية الصحيحة دائماً هى الأقوى – أطفالنا معرضين لحقائق عن العلاقة الجنسية وهم فى فناء المدرسة – مع جيرانهم – فى الكنيسة - وفى كل مكان - فإذا أردنا أن نشكلهم بطريقة إلهيةعن الجنس – لا ننتظر حتى يغرقوا فى أخطاء وسوء إستقبال من العالم حولهم ونبدأ نحن نغيرهم ونشكلهم.
كيف نبدأ
منذ بدء الخليقة خلق الله النجوم والشمس والقمر وأشياء أخرى كثيرة وخطط الله لك أن تولد – هو يعرف عنك كل شىء هو يعرف لون شعرك ولون عينيك – يعرف هل أنت هادى أم شقى ؟ هل خجول أم إجتماعى هو كمان يعرف إسمك – لكن قبل أن تولد كان لازم الله يخلق العالم كله وبعد ما خلق كل العالم خلق الرجل والمرأة.
لكن خلقهم مختلفين عن بعض - خلقهم شبهه – نظر الله لجسد الرجل المشعر والخشن ولجسد المرأة الناعم وكان مسرور جداً وقال أنا عملت جسدهم بطريقة رائعة. الله خلق جسد المرأة مختلف عن جسد الرجل.
أول حاجة بابا وماما بيقولوها أول ما البيبى يتولد : ده ولد أو دى بنت وهم عارفين أن البيبى البنت هاتكبر وتبقى إمرأة زى ماما والبيبى الولد هايكبر ويبقى رجل زى بابا.
فكرة مبسطة عن الجهاز التناسلى للولد وللبنت : -
البيبى الولد بيكبر بسرعة وبيكون عنده القضيب ( عضو ذكرى ) بين رجليه وكيس ناعم يحمل عضويين ناشفين أسمهم الخصيتين والقضيب طويل ورفيع _ أوقات يصبح ناشف لدقائق لكن معظم الوقت بيكون طرى وصغير.
الله صنع الأجزاء دى فى جسم الولد مختلفة عن البنت علشان لما يكبر ويبقى رجل هو وزوجته يقدروا يجيبوا بيبى. – كمان الولد بيكبر أكثر وأكثر ويبقى شكله زى الرجل – يصبح عنده عضلات أكثر وصوته يبقى خشن قوى – كل جسمه يكون فيه شعر – تحت الأبط وفوق القضيب وكمان فى الصدر ويبقى عنده ذقن وشنب .
وحجم القضيب بيكبر أكثر وأكثر وجسمه يبدأ يفرز سائل أسمه السائل المنوى وفى هذا السائل المنوى يسبح ملايين من الحيوانات المنوية اللى بتصنعها الخصيتين. والحيوان المنوى ده صغير أوى ومانقدرش نشوفه بالعين المجردة لكنه مهم جداً لأنه عن طريقه بيجى البيبى.
والبنت كمان جسمها بيتغير - هى مش بيكون عندها شعر كثير زى الولد لكن هى بتطول وجسمها بيستدير ويمتلء الفخذ ويبدأ الثدى عندها فى النمو. لكن كمان فيه تغيرات تانية بتحصل معاها داخل جسمها – كل شهر الرحم يصبح جداره سميك ويستقبل بداخله بيضة صغيرة أوى أصغر من النقطة تكونت فى المبيض وده لأن البنت بتستعد علشان تكون ماما.
البنت عندها 3 فتحات قريبين أوى من بعض بين رجليها – فتحة منهم بيخرج منها البول لكن وهى قاعدة مش زى الولد وهو واقف.
والفتحة الثانية بيخرج منها البراز ودى زى الولد تمام .
والفتحة الثالثة فى المنتصف بينهم أسمها المهبل ودى نفق طويل حوالى 7 سم بتوصل للرحم والرحم ده مكان خاص الله أعطاه للبنت فقط وهو ده المكان اللى بينمو فيه البيبى ويكبر لما البنت تجهز إنها تكون أم .
الله فى خطته أن الرجل والمرأة يحبوا بعض وعلشان كده من بداية الخليقة هو خلق رجل وإمرأة وبعد كده يتزوجوا ويكون عندهم أطفال ويعيشوا معاً كل الحياة.
وقت الفرح بيكون مفرح أوى – الرجل والمرأة يتعهدوا أمام عائلاتهم وأصدقائهم وأمام الله أن يكونوا معاً كل الحياة. ويتركوا عائلاتهم ويعطوا أنفسهم بعضهم لبعض – ويتعهدوا أن يحبوا بعضهم ويعلن القسيس إنهم زوج وزوجة وما جمعه الله لا يفرقه إنسان.- الأصدقاء بيعطوا هدايا للعروسين – لكن الله عنده هدية خاصة لكل زوج وزوجة وهذه الهدية هى ( الجنس ) .
فالجنس هدية وعطية من الله يقدروا أن يستمتعوا بها كل أيام حياتهم . قوانين الله تقول أنه فقط الأشخاص المتزوجين ( الزوج والزوجة ) هم الذين يستمتعون بالجنس.
لما يكون الزوج والزوجة معاً بمفردهم يمكنهم أن يكونا مكشوفين – بدون أن يغطوا أجسادهم قدام بعض لأن جسمهم ليس ملكهم لكنه ملك كل واحد منهم – هم يستمتعوا أن يلمسوا جسد بعضهم – ولما يمارسوا العلاقة الجنسيبة مع بعض يضع الزوج القضيب فى فتحة المهبل وينساب السائل المنوى وبكده يتكون الجنين - الزوج وحده ما يقدرش يجيب بيبى ولا الزوجة وحدها..
مش كل مرة بيمارس فيها الزوج والزوجة الجنس يتكون بيبى – لكن مرات الحيوان المنوى من عند الزوج يتقابل مع البويضة اللى من عند الزوجة ويكونوا خلية جديدة اللى تكون البيبى. وبداخل الخلية الصغيرة دى تقدر تعرف لون العينين والشعر وهل البيبى ولد ولا بنت. وجزء من الجنين ده بيكون زى الأم وجزء زى الأب وتدريجياً هذا الجنين الصغير ينتقل لرحم الأم ويبدأ فى النمو – لكن مش بيكون جاهز للولادة فى الوقت ده.
الرحم ده مكان جميل داخل جسم الأم - الرحم فى الأول مش بيكون كبير لكن لما البيبى بيكبر بيتمط زى البالونة.
كيف نعلم أطفالنا عن الجنس فى المرحلة من 8 – 11 سنة : -
فى هذه المرحلة نحن نؤكد على 3 أمور هامة وهى : -
1 – الرسالة الأولى
2 – لماذا قصد الله أن يكون الجنس داخل الزواج فقط ؟
3 – حماية الأولاد Inoculating ضد كل رسائل أخلاقية سلبية
س : لماذا يهتم الناس كثير بالجنس – لماذا يتكلم العالم بكثرة عن الجنس؟
ج : الكتاب المقدس قال عن الزنا أنه أنك تأخذ أمر من الله وتصنعه وتجعله إلهك – الله يكره هذا. فيه أمور كثيرة أخذت مكان الله فى حياة الأنسان – زى الفلوس والشهرة والمركز وكمان الجنس نوع من الألهة التى عبدها الأنسان. – لكن الحقيقة إن الله فقط هو الذى يقدر أن يجعلنا سعداء وعلشان كده لما نحاول إحنا بأنفسنا نسعد أنفسنا ونكسر قوانين الله مش هانكون سعداء أبداً.
س : هل علشان كدة الناس بتقول نكت كثير عن الجنس؟ فى التلفزيون مثلا– ليه ليه فيه نكت كثير عن الجنس ؟
ج : الجنس عطية عظيمة من ربنا لكن الأنسان أفكاره شريرة – ولذا أساء الأنسان للجنس وأستخدمه بطريقة خاطئة.
س : كيف حدث هذا
ج : لو ولد وبنت عمرهم مثلاً 14 أو 15 سنة – مارسوا الجنس مع بعض إيه اللى هايحصل ؟
أولاً فيه إحتمال إنها تبقى حامل وطبعا ً ده شىء مؤلم جداً لبنت صغير – كل المستقبل هيضيع.
ثانياً ممكن تنتقل أمراض زى الأيدز مثلاً
ثالثاً الأولاد الصغيرين دول هيفقدوا عفتهم وطهارتهم ونقائهم وهتتشوه تماما نظرتهم لنفسهم وللجنس وللعلاقات.
س : هل العلاقة الجنسية بين الزوجين فقط لأجل الأنجاب ؟
ج : لأ – هى كمان علشان الزوج والزوجة يكونوا واحد – هى محبة خاصة جداً بين الزوجين اللى فيه يقدروا يكونوا عريانين وهم مش مكسوفين ( تك 24:2 ) كمان ربنا عايز يسعد الزوج والزوجة ببعض – تلامس القضيب عند الزوج وده جزء حساس أوى مع المهبل عند الزوجة وكمان ده حساس أوى بيكون فيه متعة ولذة وربنا عاوز يسعد الزوجين ببعض .
س : كم مرة بابا وماما بيمارسو الجنس مع بعض ؟
ج : دى حاجة خاصة بينهم ماينفعش أجاوبك على السؤال ده ( حسب ما هما بيقرروا مع بعض )
س : لماذا يمارس الناس الجنس وهم غير متزوجين ؟
ج : 1 – الممارسة الجنسية تعطى راحة وسعادة لوقت – لكن مش كل حاجة تجلب السعادة نعملها زى المخدرات مثلاً - العنف .
2 – الناس دى عندهم فراغ ومش عارفين عايشين ليه.
3 – مرات الناس بتمارس الجنس علشان يشعروا أنهم مطلوبين وأن فيه حد بيهتم بيهم وده من أشهر الأسباب .
4 – كمان مرات الأصحاب بيضغطوا على بعض ويقولوا لو أنت لم تمارس الجنس تبقى مش راجل – وأنتى مش بنت أنتى باردة.
س : هل فيه مشكلة من مشاهدة المجلات أو الأفلام الجنسية ؟ ما الخطأ فى هذا؟
ج : لما بتشوف واحد وواحدة عريانيين وبيمارسوا الجنس معاً وفيه موسيقى جميلة ومبسوطين قوى فى قمة الأثارة والمتعة أنت بتحس أن دى حاجة جميلة ومثيرة بس دى مش الحقيقة دى خيال وكذب – لأن الحياة مش هى بس هذا المشهد المثير . الحياة علاقة متكاملة فيها إحتكاكات ومواقف وعطاء فالمتعة والسعادة ليس فقط فى العلاقة الجنسية.
كمان بتشوف صور لبنات عريانة الولد هيدرك أن جسم المرأة فقط للمتعة فيتعامل معها على أنها شىء ( أداة لأمتاعه ).
كمان هيفتكر أن مقاييس الجمال عند المرأة لازم تكون مطابقة لما رأه فى هذا المشهد الجنسى ولا يقبل غيره.
س : ما معنى الجنسية المثلية ؟
ج : أن ناس يقعوا فى الحب ( يمارسوا الجنس ) مع أخرين من نفس جنسهم – رجل مع رجل وأمرأه مع أمرأة .
شخص عنده رغبة جنسية لأخر من نفس جنسه ويشعر برغبة جنسية أقل ناحية الجنس الأخر.
الله يدين الشذوذ الجنسى ( تث 22:18 - 13:13 ) ( رو27:1 – 1كو 9:6 )
رومية 27:1
وكذلك الذكور أيضاً تاركين أستعمال الأنثى الطبيعى أشتعلوا بشهوتهم بعضهم لبعض فاعلين الفحشاء ذكوراً بذكور ونائلين فى أنفسهم جزاء ضلالهم المحق .
1 كو 9:6
أم لستم تعلمون أن الظالمين لا يرثون ملكوت الله لا تضلوا لازناة ولا عبدة أوثان ولا فاسقون ولا مأبونون ولا مضاجعوا ذكور
